Mahapding Nakaraan, Masakit na Katotohanan Part 2
7:00AM "Haaaay" nag-uunat na si Ken at agad na niligpit ang higaan. Minsan lang umuuwi ang ina niya sa boarding house na inuupahan nila sa may Taguig a kinse at katapusan lang. Isa iyong malaking bahay at may labindalawang maliliit na silid. Nasa ikalawang palapag sila. Pangalawang taon na nila rito, ibig sabihin ay nasa ikalawang taon na rin siya sa kolehiyo. Ang kuya Chan niya nama’y sa batangas nakadestino. Kaya tuwing katapusan lang ito nakakadalaw sa kanila. 18 taong gulang na si Ken, ang dating tangkad ay nadagdagan, 5'8 na siya. Nawala na rin ang kapayatan nito. Mas pumuti at mas naging guwapo. Nasa ikalawang sem na siya sa kolehiyo. Sa isang public school siya ipinasok ng kanyang ina at kapatid. Ang panganay nila ay lumagay na sa tahimik, masaya na ito kasama ang pamilya nito sa Davao. Ang ate niya naman ay naroon paring kasama ang pamilya nito. Ang kuya Chan niyang engineer na 25 taong gulang na ay mukhang susunod na rin sa dalawa. Sabi nito, kapag natapos ...
